Краен рок за пријавување: 30.5.2023 г. 

Здружението за поддршка на луѓето што живеат со ХИВ – ЗАЕДНО ПОСИЛНИ Скопје објавува повик за прибирање понуди за ангажирање консултант за развивање предлог-текст за национално упатство за лекување на ХИВ-инфекцијата. 

Оваа консултантска позиција е овозможена во рамките на регионалниот проект „Одржливост на сервисите за клучните популации во регионот на Источна Европа и Централна Азија“ (#SoS_project 2.0), кој е финансиски поддржан од Глобалниот фонд за борба против СИДА, туберкулоза и маларија, а чии активности на ниво на Р. С. Македонија се раководени од Здружението ЗАЕДНО ПОСИЛНИ Скопје и се насочени на поддршка на националниот одговор кон ХИВ, во консултација со Националната комисија за ХИВ. 

1. Контекст 

Република Северна Македонија е земја со ниско ниво на епидемија на ХИВ, при што епидемијата е концентрирана во рамките на клучни засегнати популации. Се проценува дека заклучно со крајот на 2021 година околу 500 лица живееле со ХИВ во Северна Македонија, од коишто 70 % биле свесни за својата инфекција, што е значително пониско од глобалниот просек за истата година, кој изнесува 85 %. Од друга страна, согласно со проценките на национално ниво, 94,5 % од дијагностицираните лица на крајот на 2021 година примале антиретровирусна терапија, а дури 96,2 % од нив имале супримиран вирус во крвта (глобален просек за 2021 г. – 88% и 92% соодветно).  

Лекувањето на ХИВ-инфекцијата го спроведува исклучиво Универзитетската клиника за инфективни болести и фебрилни состојби во Скопје, следејќи ги релевантните меѓународни препораки на Европското клиничко здружение за СИДА и на Светската здравствена организација. Последните упатства за практикување медицина базирана на докази во Република Северна Македонија датираат од 2015 година и не се во согласност со препораките на Светската здравствена организација – што ги прави застарени и нерелевантни. Во последните 5 години во просек се дијагностицираат околу 44 случаи годишно, а на крајот на минатата година на Клиниката за инфективни болести се лекувале околу 370 пациенти со ХИВ. Глобалните цели за одговорот кон ХИВ до 2025 година, предвидуваат 95% од проценетиот број на лица инфицирани со ХИВ да бидат дијагностицирани, а најмалку 95% од дијагностицираните да бидат поставени на терапија. Постигнувањето на овие цели претпоставува зголемен број на лица што се дијагностицираат годишно и нивно неодложно поставување на терапија. Усвојувањето на ново, ревидирано и ажурирано национално упатство ќе има повеќекратни придобивки, меѓу кои: успешно лекување на пациентите и постигнување долгорочна супресија на вирусот, квалитетна и современа здравствена грижа, полесно справување со зголемен број на пациенти на терапија во рамките на постојните капацитети на здравствениот систем, како и полесно приоритизирање и менаџирање на процесите за обезбедување антиретровирусни и други лекови неопходни во третманот на пациентите со ХИВ. Изготвениот предлог-текст на упатството ќе биде развиен низ консултативен процес со експерти од клиничката пракса и психосоцијалната грижа и поддршка за пациентите со ХИВ, како и со претставници на самите пациенти, а ќе биде предложен на разгледување од Националната комисија за ХИВ и усвојување од страна на министерот за здравство. 

2. Опис на работните задачи 

Од ангажираниот консултант се очекува да ги исполни следниве задачи: 

• Да направи преглед на релевантни упатства за лекување на ХИВ-инфекцијата и тоа – најновите верзии на упатствата за лекување на ХИВ на Европското клиничко здружение за СИДА (European AIDS Clinical Society), на Светската здравствена организација и најмалку две национални упатства од земји од регионот, а евентуално и упатства од други земји (2 дена); 
• Да предложи структура за сеопфатно национално упатство за лекување на ХИВ-инфекцијата и методолошки пристап за неговата изработка; 
• Да спроведе консултативен процес за структурата и содржината на упатството со група од лица стручни за проблематиката на ХИВ, односно опортунистички инфекции, други коинфекции и коморбидитети, како и најмалку двајца претставници на пациентите со ХИВ; 
• Да изготви предлог-текст на ново сеопфатно национално упатство за лекување на ХИВ-инфекцијата кое ќе биде предложено за разгледување од Националната комисија за ХИВ и министерот за здравство. 

Проценет обем на консултантскиот ангажман: 16 консултантски денови 

Одговoрно лице за спроведување на ангажманот на консултантот ќе биде извршниот директор на Здружението ЗАЕДНО ПОСИЛНИ Скопје. 

3. Профил и неопходни квалификации 

Кандидатите треба да ги исполнуваат и следниве основни квалификации: 

• Одлично познавање на проблематиката на ХИВ-инфекцијата од медицински (инфектолошки) и епидемиолошки аспект и познавање на спецификите на епидемијата на ХИВ во Македонија; 

• Клиничко искуство во лекување на пациенти со ХИВ-инфекција; 
• Искуство во научно-истражувачка работа во областа на медицината, јавното здравје или националниот одговор на ХИВ; 
• Изградени способности за тимска стручна работа. 

4. Критериуми за избор  

Предност за добивање на ангажманот ќе имаат кандидати со: 

• Искуство во подготовка на релевантни документи за јавни политики во областа на здравствената заштита или јавното здравје; 
• Повисок степен на исполнување на неопходните квалификации. 

5. Временска рамка, надомест и други услови 

Предвидениот обем на консултантскиот ангажман изнесува 16 (шеснаесет) консултантски дена. Спроведувањето на задачите наведени во точка 2 треба да заврши до 31 јули 2023 г. Ангажманот предвидува потпишување договор за консултантски услуги, а ќе биде надоместен со бруто износ од 150 американски долари во денарска противвредност за еден консултантски ден. 

Краен рок и потребни документи за пријавување 

Најдоцна до 30.5.2023 г., заинтересираните кандидати треба да достават: 

• Изјава за интерес;  
• Професионална биографија. 

Документите за пријавување на повикот со назнака „апликација – упатство ХИВ“ треба да се достават електронски, на следната е-маил адреса: 

[email protected] 

Постапка за избор на консултант 

Комисијата за избор на консултант ќе ги разгледа примените апликации, при што предвид ќе бидат земени само оние пријави коишто ја содржат комплетната документација и ги исполнуваат условите на повикот. Комисијата ќе изработи ранг листа на кандидати. Со најмногу двајца најдобро рангирани кандидати може да биде спроведено интервју. Во зависност од резултатите од оценката на документација наспроти условите на повикот и евентуалното интервју ќе биде избран консултантот кому ќе му биде доделен ангажманот. 

 

Краен рок за пријавување: 26.4.2023 г.

Здружението за поддршка на луѓето што живеат со ХИВ – ЗАЕДНО ПОСИЛНИ Скопје објавува повик за прибирање понуди за ангажирање консултант што ќе го фацилитира процесот на национално стратешко планирање за ХИВ за 4 или 5-годишен период почнувајќи од 2023 г.

Оваа консултантската позиција е овозможена во рамките на регионалниот проект „Одржливост на сервисите за клучните популации во регионот на Источна Европа и Централна Азија“ (#SoS_project 2.0), кој е финансиски поддржан од Глобалниот фонд за борба против СИДА, туберкулоза и маларија, а чии активности на ниво на Р. С. Македонија се раководени од Здружението ЗАЕДНО ПОСИЛНИ Скопје и се насочени на поддршка на националниот одговор кон ХИВ, во консултација со Националната комисија за ХИВ.

1. Контекст

Република Северна Македонија е земја со ниско ниво на епидемија на ХИВ, при што епидемијата е концентрирана во рамките на клучни засегнати популации. Се проценува дека заклучно со крајот на 2021 година околу 500 лица живееле со ХИВ во Северна Македонија, од коишто 70 % биле свесни за својата инфекција, што е значително пониско од глобалниот просек за истата година, кој изнесува 85 %. Од друга страна, согласно со проценките на национално ниво, 94,5 % од дијагностицираните лица на крајот на 2021 година примале антиретровирусна терапија, а дури 96,2 % од нив имале супримиран вирус во крвта (глобален просек за 2021 г. – 88% и 92% соодветно). 

Земјата досега развила и спровела вкупно три национални стратегии за ХИВ, кои се однесуваа на периодот 2007 до 2021 година. Следната национална стратегија треба да се однесува на период од 4 до 5 години 2022-2026, а ќе биде развиена од мултисекторска работна група формирана од Министерството за здравство, преку консултација на сите заинтересирани страни, вклучувајќи го и граѓанскиот сектор и претставници на луѓето што живеат со ХИВ и на заедниците засегнати од вирусот. Покрај достапните докази и релевантни анализи на национално ниво, новата национална стратегија треба да ги земе предвид и глобалните стратегии, препораки, како и меѓународно преземени обврски на државата во однос на ставањето крај на епидемијата на ХИВ до 2030 година. 

2. Опис на работните задачи

Од ангажираниот консултант се очекува да ги исполни следниве задачи:

• Да направи преглед на документи релевантни за националниот одговор кон ХИВ и глобалните политики, стратегии и препораки во однос на одговорот кон епидемијата (2 дена);
• Да подготви анализа на состојбата за потребите на националното стратешко планирање за ХИВ, која ќе ги опфаќа глобалните и регионалните епидемиолошки трендови, епидемиологијата на ХИВ во Северна Македонија врз основа на достапните докази и состојбата со постојните интервенции за одговор кон ХИВ во земјата (2 дена);
• Да го фацилитира консултативниот процес за националното стратешко планирање за ХИВ, вклучувајќи консултативни средби, една главна дводневна консултација и електронска комуникација (6);
• Врз основа на консултативниот процес да подготви прелиминарен и финален нацрт на националната стратегија за ХИВ за период од 4 или 5 години, вклучувајќи и генерална проценка на финансиските импликации (6 дена).

Проценет обем на консултантскиот ангажман: 16 консултантски денови

За својата работа консултантот одговара пред извршниот директор на Здружението ЗАЕДНО ПОСИЛНИ Скопје.

3. Профил и неопходни квалификации

Кандидатите треба да ги исполнуваат и следниве основни квалификации:

• Учество во процеси на стратешко планирање во различни области; 
• Искуство како фацилитатор на процеси на стратешко планирање;
• Експертиза во подготовка на документи за јавни политики;
• Солидно познавање на националниот одговор кон ХИВ; 
• Способности за планирање и организација и навремено исполнување на зададените задачи;
• Одлично познавање на македонскиот и англискиот јазик.

4. Критериуми за избор 

Предност за добивање на ангажманот ќе имаат кандидати со:

• Претходно учество или придонес во процеси на национално стратешко планирање за ХИВ;
• Експертиза и искуство во развивање документи за јавни политики во областа на ХИВ или јавното здравје;
• Повисок степен на исполнување на неопходните квалификации.

5. Временска рамка, надомест и други услови

Предвидениот обем на консултантскиот ангажман изнесува 16 (шеснаесет) консултантски дена. Спроведувањето на задачите наведени во точка 2 треба да заврши до 30 јуни 2023 г. Ангажманот предвидува потпишување договор за консултантски услуги, а ќе биде надоместен со бруто износ од 150 американски долари во денарска противвредност за еден консултантски ден.

Краен рок и потребни документи за пријавување

Најдоцна до 26.4.2023 г., заинтересираните кандидати треба да достават:

• Изјава за интерес во која накратко ќе се осврнат на своите клучни квалификации што одговараат на условите на овој повик; 
• Професионална биографија, која ќе го прикаже работното искуство релевантно за овој повик (согласно со наведените основни квалификации и критериумите за избор).

Документите за пријавување на повикот со назнака „апликација – нац. стратегија ХИВ“ треба да се достават електронски, на следната е-маил адреса:

[email protected]

Постапка за избор на консултант

Комисијата за избор на консултант ќе ги разгледа примените апликации, при што предвид ќе бидат земени само оние пријави коишто ја содржат комплетната документација и ги исполнуваат условите на повикот. Комисијата ќе изработи ранг листа на кандидати. Со најмногу двајца најдобро рангирани кандидати може да биде спроведено интервју. Во зависност од резултатите од оценката на документација наспроти условите на повикот и евентуалното интервју ќе биде избран консултантот кому ќе му биде доделен ангажманот.

Назив на стручната активност:

„ХИВ-инфекцијата денес – дијагностика, лекување, професионален ризик и профилакса“

Датум и место на одржување: 17-19 март 2023 г., Mia’s favorite хотел, Маврово

Continue reading →

Скопје, 30 јануари, 2023 г. – Граѓанските организации кои се дел од Советот за соработка меѓу Владата и граѓанското општество, како избрани претставници на граѓанскиот сектор, искажуваат силен револт од односот на Владата кон Советот и воопшто кон граѓанското општество. За таа цел, бараме од Претседателот на Владата г-динот Димитар Ковачевски да оствари средба со претставници на граѓанските организации од Советот на која очекуваме да ја појасни политиката на Владата кон граѓанското општество, да се постигне согласност за претходно покренатите проблематични прашања и вистински да се возобнови дијалогот кој беше воспоставен во изминатите години.

Ние, членовите на Советот за соработка од редот на граѓанските организации, констатираме дека во изминатата година работењето на Советот беше оневозможено преку владиното игнорирање на клучните негови препораки и заклучоци, што е основна негова надлежност како советодавно тело на Владата. Неколкуте обиди да се воспостави директна комуникација, а воедно и средба со Претседателот на Владата и со претставници од Владата за да се дискутира за  суштински прашања што го засегаат функционирањето на граѓанското општество досега беа оставени без одговор.

Длабоко сме загрижени поради влошената соработка, отсуството на суштинска, па дури и на формална комуникација и дијалог. Функционирањето на граѓанското општество е клучен показател за демократската клима во земјата, а кога тоа е загрозено – доведен е во прашање и напредокот на земјата, како и нејзиното приближување до Европската Унија. Во изминатиов период, а и сега, посебно ги потенцираме како предизвици следните прашања:

• Беа усвоени измени и дополнувања на Законот за здруженија и фондации без консултативен процес на засегнати страни, особено на Советот за соработка и пошироко граѓанските организации. Ценејќи дека постои активна работна група за измени и дополнувања на овој закон минимум очекувано беше од Владата да го отвори консултативниот процес преку јавна дискусија во Собранието на Република Северна Македонија;
• Во изминатата година Владата и формално и суштински ја прекрши институционалната поставеност во врска со укинувањето на средствата наменети за поддршка на активностите на граѓанскиот сектор од Генералниот секретаријат на Владата и без консултации го утврди Министерството за политички систем и односи со заедниците како надлежно министерство за распределба на средствата за поддршка на граѓанските организации. Со ваквиот начин на постапување, Министерството за политички систем и односи меѓу заедниците излезе целосно од рамките на своите надлежности, што е утврдено со правната рамка на државата. Ова укажување беше во неколку наврати посочено од Советот за соработка, но Владата и Министерството целосно го игнорираа ставот на ова тело;
• Процесот за реформа на државното финансирање и покрај сите напори и во 2022 година не се реализираше и дополнително наместо да се предвиди зголемување на државното финансирање, граѓанските организации се соочија со кратење на средства по различни основи. Ова е целосно спротивно на Стратегијата на Владата за соработка со и развој на граѓанското општество согласно која децидно е предвидено зголемување на средствата за државно финансирање на ГО;
• Владата го затвори консултативниот процес за Реформа на државната управа со што се нарушија основните постулати за соработка со засегнати страни. Овој процес, кој претставува целосна и сеопфатна реформа на државните органи, и покрај неколкуте барања на Советот и воопшто на граѓанскиот сектор продолжува да се води само во рамки на министерствата.

Згора на оваа ситуација, повеќе граѓански организации пријавуваат дека е значително стеснет просторот за работа на здруженијата и фондациите, а комуникацијата со повеќе министерства е влошена до загрижувачки размери, што се констатира и во повеќе извештаи кои се изготвени за овозможувачката околина на граѓанските организации.

Имајќи го предвид сето горе наведено, очигледно е дека Владата не работи на постигнување на целите на Стратегијата за соработка со и развој на граѓанското општество 2022-2024 и не го спроведува акцискиот план на оваа Стратегија. Истовремено, со оглед на нарушената работа на Советот, не функционира ниту системот за следење на исполнувањето на обврските на Владата од оваа стратегија, за што Советот има мандат.

Вреднувајќи го незаменливиот придонес на граѓанското општество за напредокот на земјата и поддршката што овој сектор ја дава на патот на интеграцијата на Република Северна Македонија во Европската Унија, членовите на Советот од редот на граѓанските организации очекуваат дека Претседателот на Владата и Владата на Република Северна Македонија ќе демонстрираат конструктивност и зачувување на основните демократски вредности за кои се залагаме како држава, со што нема да се доведе во прашање работата на цел еден сектор во ова општество. За таа цел, покрај ова јавно обраќање, ново барање за средба е доставено до кабинетот на Претседателот на Владата, како и до Претседателот на државата, релевантни комисии при Собранието на Република Северна Македонија и Амбасадорот на Европската Унија во Република Северна Македонија.

Избрани претставници на граѓанскиот сектор во Советот за соработка меѓу Владата на Република Северна Македонија и граѓанското општество, со своите организации:

1. Снежана Камиловска Трповска, Македонски центар за меѓународна соработка Скопје – област: Демократија и владеење на правото
2. Уранија Пировска, Здружение Хелсиншки комитет за човекови права на Република Македонија Скопје – област: Промоција и заштита на човековите права и антидискриминација
3. Никица Кусиникова, Здружение Конект Скопје – област: Економски и одржлив развој
4. Димитар Низамовски, Здружение на граѓани Младински образовен форум Скопје – област: Наука, образование и доживотно учење
5. Зоран Илиески, Коалиција на младински организации Сега Прилеп – област: Млади
6. Јасминка Фришчиќ, Здружение за еманципација, солидарност и еднаквост на жените, Скопје – област: Социјална заштита и заштита на деца
7. Далиборка Златева, Здружение на лица со церебрална парализа и други попречености Велес – област: Заштита на маргинализираните лица
8. Андреј Сених, Здружение за поддршка на луѓето што живеат со ХИВ – Заедно посилни Скопје – област: Заштита на здравјето
9. Лилјана Јоноски, Здружение Рурална коалиција Куманово – област: Земјоделство и рурален развој
10. Тијана Ана Спасовска, Јадро Асоцијација на независната културна сцена Скопје, област Култура
11. Никола Додов, Здружение за поттикнување и промоција на информатиката Асоцијација на студенти информатичари Скопје – област: Медиуми и информатичко општество
12. Драгица Костадиновска, Здружение Мултиетничка организација за интернационални култури Мозаик Меик Скопје – област: Спорт
13. Ардита Абази Имери, Институт за европска политика – Скопје – област: ЕУ интеграции и политики
14. Марија Савовска, Здружение за унапредување на родовата еднаквост Акција Здруженска Скопје – област: Родова еднаквост
15. Сашка Коцевска, Движење на екологистите на Македонија Велес – област: Заштита на животната средина

Скопје, 23 декември, 2023 г. – Владата на Република Северна Македонија предложи срамен и произволен буџет за здравство за 2023 година, без никаква анализа и во нетранспарентна постапка, кој Собранието го усвојува без суштински интервенции. Во моменти на криза, Владата целосно го запоставува здравјето на граѓаните. Ваквата негрижа за многу наши блиски ќе биде прашање на живот или смрт. Притоа, станува збор за смртни случаи коишто може да се избегнат доколку се обезбеди соодветна превенција и современа терапија.

ПРОЧИТАЈ ПОВЕЌЕ

Краен рок за пријавување: 26.12.2022 г.

ПРОЧИТАЈ ПОВЕЌЕ

Продолжен рок за пријавување: 12 август 2022 г.

Здружението за поддршка на луѓето што живеат со ХИВ – ЗАЕДНО ПОСИЛНИ Скопје објавува повик за ангажирање за консултантска позиција:

ПРОЧИТАЈ ПОВЕЌЕ

Продолжен рок за пријавување: 12 август 2022 г.

Здружението за поддршка на луѓето што живеат со ХИВ – ЗАЕДНО ПОСИЛНИ Скопје објавува повик за ангажирање за консултантска позиција:

ПРОЧИТАЈ ПОВЕЌЕ

Продолжен рок за пријавување: 12 јули 2022

Здружението за поддршка на луѓето што живеат со ХИВ – ЗАЕДНО ПОСИЛНИ Скопје објавува конкурс за вработување на определено време за позицијата

асистент за застапување

Позицијата се отвора за период во траење до крајот на 2022 година, со тримесечен пробен период и планирано продолжување по 31.12.2022.

ПРОЧИТАЈ ПОВЕЌЕ

Продолжен рок за пријавување: 12 јули 2022

Здружението за поддршка на луѓето што живеат со ХИВ – ЗАЕДНО ПОСИЛНИ Скопје објавува конкурс за вработување на определено време за позицијата

асистент за комуникации

Позицијата се отвора за период во траење до крајот на 2022 година, со тримесечен пробен период и планирано продолжување по 31.12.2022.

ПРОЧИТАЈ ПОВЕЌЕ

Датум на објавување: 23 април 2022 г.

Краен рок: 30.06.2022 г.

Здружението за поддршка на луѓето што живеат со ХИВ – ЗАЕДНО ПОСИЛНИ Скопје објавува повик за прибирање понуди за ангажирање за консултантска позиција:

1. Консултант за развивање на политика за човечки ресурси

Оваа консултантска позиција е овозможена во рамките на поддршката на годишната работна програма на Здружението ЗАЕДНО ПОСИЛНИ, која е финансиски поддржана од Европската Унија.

На повикот може да се пријават физички или правни лица.

ПРОЧИТАЈ ПОВЕЌЕ

Текстот што следува е наменет за сите луѓе што живеат со ХИВ во Македонија, а се однесува на актуелната криза со недостиг на антиретровирусни лекови. Во него се обидуваме да одговориме на главните прашања што веројатно ги има секое засегнато лице. 

ПРОЧИТАЈ ПОВЕЌЕ

Краен рок за пријавување: 6.5.2022 г.

Здружението за поддршка на луѓето што живеат со ХИВ – ЗАЕДНО ПОСИЛНИ Скопје објавува повик за прибирање понуди за ангажирање консултант што ќе помогне во развивањето осврт на јавна политика во врска со обезбедувањето пристап до животоспасувачки и есенцијални лекови во Северна Македонија.

Оваа консултантската позиција е овозможена во рамките на институционалниот грант за Здружението ЗАЕДНО ПОСИЛНИ Скопје од програмата Цивика Мобилитас.

1. Контекст

Здружението ЗАЕДНО ПОСИЛНИ Скопје е организација на пациентите со ХИВ-инфекција во Северна Македонија чија мисија е да ги поддржува луѓето што живеат со ХИВ во остварувањето на нивните права и да дејствува за ставање крај на ХИВ и за подобро здравје за сите луѓе, преку обезбедување услуги во заедницата и насочување на јавните политики. Во рамките на својата стратегија за периодот 2021-2025, ЗАЕДНО ПОСИЛНИ предвидува да делува во насока на воспоставување системски решенија за подобрување на пристапот на македонските граѓани до животоспасувачки и есенцијални лекови воопшто, независно од видот на дијагнозата на одредена група пациенти. Во таа смисла, Здружението подготвува осврт на јавната политика на Република Северна Македонија во однос на обезбедувањето лекови за своите граѓани, кој ќе се темели врз искуството на пациентите со ХИВ, искуствата на други групи и здруженија на пациенти, како и на докажани пристапи на земји од регионот и од ЕУ за обезбедување лекови за своите граѓани. Консултантската позиција од овој повик одговара на потребата од техчника и стручна поддршка за остварување на оваа намера.

2. Опис на работните задачи

Од ангажираниот консултант се очекува да ги исполни следниве задачи:

• Да спроведе консултација со ЗАЕДНО ПОСИЛНИ и други релевантни здруженија на пациенти или здруженија што работат на полето на заштита на здравјето во врска со нивните искуства и/или гледиште за можните стратешки пристапи на земјата за обезбедување пристап до животоспасувачки и есенцијални лекови;
• Да изврши анализа на релевантни документи, како закони и подзаконски акти што ја регулираат достапноста на лековите за граѓаните на Северна Македонија; извештаи од релевантен граѓански сектор и од релевантни институции; и др.;
• Да подготви краток осврт за јавна политика во однос на стратешки пристапи на земјата во обезбедувањето животоспасувачки и есенцијални лекови за граѓаните, во согласност со насоките од точка 3. од овој повик.

Проценетиот обем на консултантскиот ангажман изнесува 8 консултантски денови.

За својата работа консултантот одговара пред извршниот директор на Здружението ЗАЕДНО ПОСИЛНИ Скопје.

3. Опис на очекуваниот продукт од консултантскиот ангажман

Краткиот осврт за јавна политика треба да опфати:

• илустративни примери на недостапност на лекови во Северна Македонија: краток опис на одговорностите на релевантните институции (Министерство за здравство, Фонд за здравствено осигурување, Агенција за лекови и медицински средства) во однос на обезбедувањето на лекови;
• осврт на долготрајниот проблем со позитивната листа;
• осврт на стратешки пристапи – врз основа на пракси од земјите од ЕУ и регионот – за тоа како да се подобри достапноста на лекови во Северна Македонија;
• артикулирање на потребата од стратешки пристап на земјата во однос на оваа тема;
• предлози за политики што земјата може да ги воведе (вклучително и т.н. договори за менаџиран влез) како пристап до обезбеди достапност на животоспасувачки и есенцијални лекови за своите граѓани.

4. Профил и неопходни квалификации

Кандидатите треба да ги исполнуваат и следниве основни квалификации:

• Релевантна универзитетска диплома во некоја од областите: фармакологија и фармација, јавно здравје, здравствени политики, здравствена економија, медицина или сродно;
• Работно искуство во областа на здравствените политики и политиките поврзани со обезбедувањето лекови во Република Северна Македонија;
• Способности за планирање и организација и навремено исполнување на зададените задачи;
• Изградена способност за тимска работа;
• Одлично познавање на македонскиот и англискиот јазик.

5. Критериуми за избор

Предност за добивање на ангажманот ќе имаат кандидати со:

• Повисок степен на релевантно искуство;
• Претходно искуство во слични процеси поврзани со темите за пристап до лекови и политики за лекови.

6. Временска рамка, надомест и други услови

Предвидениот обем на консултантскиот ангажман изнесува 8 (осум) консултантски дена. Спроведувањето на задачите наведени во точка 2 треба да заврши до 5 јуни 2022 г.  Ангажманот предвидува потпишување договор за консултантски услуги, а ќе биде надоместен со бруто износ од 5375 денари за еден консултантски ден.

7. Краен рок и потребни документи за пријавување

Најдоцна до 6.5.2022 г., заинтересираните кандидати треба да достават:

• Изјава за интерес – преку e-mail;
• Професионална биографија која ќе го прикаже работното искуство релевантно за овој повик.

Документите за пријавување на повикот со назнака „апликација – политики за лекови“ треба да се достават електронски, на следната е-маил адреса:

[email protected]

8. Постапка за избор на консултант

Комисијата за избор на консултант ќе ги разгледа примените апликации, при што предвид ќе бидат земени само оние пријави коишто ја содржат комплетната документација и ги исполнуваат условите на повикот. Комисијата ќе изработи ранг листа на кандидати. Со најмногу двајца најдобро рангирани кандидати може да биде спроведено интервју. Во зависност од резултатите од оценката на документација наспроти условите на повикот и евентуалното интервју ќе биде избран консултантот кому ќе му биде доделен ангажманот.

Ако си млад геј или би маж, на возраст помеѓу 19 и 27 години,

ако си мотивиран да придонесеш за подобар квалитет на живот во својата заедница,

ако си заинтересиран за најновите, научно поткрепени и релевантни информации за сексуалното здравје на геј и би мажите, влучувајќи теми како: недетектабилно – непреносливо, ПрЕП, ПЕП, chemsex и многу други,

ПРИЈАВИ СЕ ЗА УЧЕСТВО во едукативната програма на Здружението ЗАЕДНО ПОСИЛНИ Скопје.

—–

Здружението ЗАЕДНО ПОСИЛНИ Скопје објавува повик за заинтересирани учесници во едукативна програма која е осмислена специјално за млади од заедницата на геј и би мажи.

Цел на оваа едукативна програма е група млади геј и би мажи, кои се мотивирани да бидат активни во својата заедница, да стекнат најнови, со докази поткрепени и релевантни познавања за различни аспекти поврзани со сексуалното здравје, вклучувајќи и ХИВ, како и вештини што ќе им помогнат да делуваат во своите заедници за поголема свесноста за ХИВ како проблем, подобра грижа за сексуалното здравје и уживање во побезбедна и исполнувачка сексуалност.

Програмата, исто така, настојува да ги поттикне младите да се ангажираат како активисти во областа на ХИВ и сексуалното здравје, во рамките на својата заедница или пошироко.

Кој може да се пријави?

Оваа иницијатива е наменета за млади лица на возраст помеѓу 19 и 27 години што се идентификуваат како геј и би мажи, кои изразуваат соодветна мотивација за учество во програмата и за активирање во рамките на својата заедница. При селекцијата ќе се внимава на разнородноста на учесниците во однос на етничката припадност, географската поврзаност и разликите по други основи.

Еднакво се охрабруваат за едукативната програма да се пријават млади лица со ХИВ-позитивен, како и со ХИВ-негативен статус.

Сите трошоци за обуката ќе бидат покриени од ЗАЕДНО ПОСИЛНИ.

Програма

Едукативната програма е развиена од Здружението ЗАЕДНО ПОСИЛНИ во консултација со стручни лица, како и со млади припадници на заедницата на геј и би мажи.

Темите што ќе бидат опфатени ги вклучуваат:

различните аспекти на сексуалното здравје; ПрЕП и новите пристапи во заштитата од ХИВ; недетектабилниот статус и (не)преносливоста на ХИВ; chemsex; историјата и наследството на ХИВ- и ЛГБТ-активизмот низ филм и дискусија; како се лекува и контролира ХИВ-инфекцијата; како да се препознаат, дијагностицираат и лекуваат сексуално преносливите инфекции и други.

Содржините што ќе бидат покриени се засновани врз најновите докази од клинички и други истражувања во областа на превенцијата и лекувањето на ХИВ и сексуално преносливите инфекции. Обуката ќе ја водат искусни врснички едукатори и стручни соработници на Здружението ЗАЕДНО ПОСИЛНИ Скопје.

Оваа обука ќе има социјален и едукативен карактер според методите на неформалното образование, вклучувајќи интерактивни вежби, групни дискусии, симулации, анализа на филм, дебати и др.

Кога ќе се одржи обуката?

Обуката ќе се спроведе во два дела. Првиот дел од обукатa ќe биде дводневна работилница од 25-ти до 27-ти март а вториот дел ќе се одржи на 9-ти и 10-ти април. И двете работилници ќе се одржат надвор од Скопје.

Обуките и превозот ќе бидат организирани запазувајќи ги протоколите за заштита од КОВИД-19.

Вклученост по обуката

Учесниците што ќе ја поминат обуката ќе добијат можност директно да се вклучат во последователни креативни волонтерски акции на Здружението, како и во ангажмани со соодветен надомест. Дел од заинтересираните кандидати што успешно ќе ја завршат обуката ќе имаат можност да се вклучат и како даватели на услуги во ЗАЕДНО ПОСИЛНИ и во други здруженија.

Како да се пријавам?

Заинтересираните млади лица коишто ги исполнуваат критериумите може да се пријават до 15.3.2022, пополнувајќи го овој краток прашалник: https://forms.gle/3tx5XUkjqEZqTUyAA

Напомена:

Учеството во едукативната програма е целосно доверливо.

Личните податоци се обработуваат во согласност со правилниците за заштита на личните податоци на Здружението ЗАЕДНО ПОСИЛНИ Скопје и на Законот за заштита на личните податоци. Податоците што ги оставате во оваа пријава се исклучиво за спроведување на процесот за избор на учесници и ќе бидат избришани по завршувањето на повикот.

Доколку имате потреба од дополнителни информации обратете се на телефонскиот број +389 78 235 632 или преку e-mail на [email protected]

——-

Оваа иницијатива е дел од годишната програма на Здружението ЗАЕДНО ПОСИЛНИ Скопје финансиски поддржана од Европската Унија. Активноста има цел да придонесе (1) да се подобри вклученоста на млади геј и би мажи во адресирањето на прашања од областа на сексуалното здравје и ХИВ, и (2) да се зголеми свесноста за услугите за ХИВ и за сексуално здравје во рамките на заедницата на геј и бисексуални мажи и други мажи што имаат секс со мажи.

Исполнувањето на целта на оваа едукативна програма се очекува да придонесе за:

– Поголемо фактичко знаење во заедницата на геј и би мажи за ХИВ и сексуално преносливите инфекции

– Намалување на стигмата кон луѓето што живеат со ХИВ

– Зајакнување на културата за редовно ХИВ-тестирање и други проверки на сексуалното здравје

– Искористување на достапните бесплатни услуги за ХИВ и за сексуално преносливи инфекции

За ЗАЕДНО ПОСИЛНИ:

ЗАЕДНО ПОСИЛНИ е здружение на луѓето што живеат со ХИВ во Северна Македонија. Се води од визијата за општество во кое луѓето што живеат со ХИВ, како и сите други луѓе без разлика на здравствениот статус, се ослободени од стегите на стигмата и дискриминацијата и ги уживаат достигнувањата на науката за унапредување на своето здравје, ги поддржува луѓето што живеат со ХИВ во остварувањето на нивните права и дејствува за ставање крај на ХИВ и за подобро здравје за сите луѓе, преку обезбедување услуги во заедницата и насочување на јавните политики.

Краен рок за пријавување: 19.12.2021 г.

Здружението за поддршка на луѓето што живеат со ХИВ – ЗАЕДНО ПОСИЛНИ Скопје објавува повик за прибирање понуди за ангажирање консултант што ќе го помогне процесот на национално стратешко планирање за ХИВ за периодот 2022-2026.

Оваа консултантската позиција е овозможена во рамките на регионалниот проект „Одржливост на сервисите за клучните популации во регионот на Источна Европа и Централна Азија“ (#SoS_project), кој е финансиски поддржан од Глобалниот фонд за борба против СИДА, туберкулоза и маларија, а чии активности на ниво на Р. С. Македонија се раководени од Здружението ЗАЕДНО ПОСИЛНИ Скопје и се насочени на поддршка на националниот одговор кон ХИВ, во консултација со Националната комисија за ХИВ.

1. Контекст

Република Северна Македонија е земја со ниско ниво на епидемија на ХИВ, при што епидемијата е концентрирана во рамките на клучни засегнати популации. Се проценува дека заклучно со крајот на 2020 година околу 500 лица живееле со ХИВ во Северна Македонија, од коишто само 66% биле свесни за својата инфекција, што е значително понизок од глобалниот просек за истата година, кој изнесува 84%. Од друга страна, согласно проценките на национално ниво, 90% од дијагностицираните лица на крајот на 2020 година примале антиретровирусна терапија, а дури 94% од нив имале супримиран вирус во крвта (глобален просек за 2020 г. – 87% и 90% соодветно).

Земјата досега развила и спровела вкупно три национални стратегии за ХИВ, кои се однесуваа на периодот 2007 до 2021 година. Следната национална стратегија треба да се однесува на петгодишниот период 2022-2026, а ќе биде развиена од мултисекторска работна група формирана од Министерот за здравство, преку консултација на сите заинтересирани страни, вклучувајќи го и граѓанскиот сектор и претставници на луѓето што живеат со ХИВ и на заедниците засегнати од вирусот. Покрај достапните докази и релевантни анализи на национално ниво, новата национална стратегија треба да ги земе предвид и глобалните стратегии, препораки, како и меѓународно преземени обврски на државата во однос на ставањето крај на епидемијата на ХИВ до 2030 година.

2. Опис на работните задачи

Од ангажираниот консултант се очекува да ги исполни следниве задачи:

• Да спроведе анализа на релевантни документи за националниот одговор кон ХИВ и глобалните стратегии и препораки во однос на одговорот кон епидемијата;
• Да подготви извештај од анализата кој ќе служи како контекст, односно анализа на состојбата, за потребите на националното стратешко планирање за ХИВ за периодот 2021-2026;
• Врз основа на консултација  со заинтересирани страни во националниот одговор кон ХИВ да развие предлог-структура за националниот стратешки план за ХИВ;
• Да изготви препораки за спроведување на националното стратешко планирање за ХИВ.

Проценет обем на консултантскиот ангажман: 10 консултантски денови

За својата работа консултантот одговара пред извршниот директор на Здружението ЗАЕДНО ПОСИЛНИ Скопје.

3. Профил и неопходни квалификации

Кандидатите треба да ги исполнуваат и следниве основни квалификации:

• Диплома за завршено високо образование;
• Одлично познавање на процесите на стратешко планирање и искуство како фацилитатор на процеси на стратешко планирање за најмалку три институции или организации;
• Способности за планирање и организација и навремено исполнување на зададените задачи;
• Изградена способност за тимска работа;
• Одлично познавање на македонскиот и англискиот јазик.

4. Критериуми за избор

Предност за добивање на ангажманот ќе имаат кандидати со:

• Претходно учество во процеси на национално стратешко планирање (независно од областа);
• Претходно искуство во слични процеси поврзани со темите ХИВ и/или јавно здравје;
• Повисок степен на исполнување на неопходните квалификации.

5. Временска рамка, надомест и други услови

Предвидениот обем на консултантскиот ангажман изнесува 10 (десет) консултантски дена. Спроведувањето на задачите наведени во точка 2 треба да заврши до 31 декември 2021 г. Ангажманот предвидува потпишување договор за консултантски услуги, а ќе биде надоместен со бруто износ од 130 американски долари во денарска противвредност за еден консултантски ден.

Со оглед на ограничената временска рамка за спроведување на ангажманот, предвидено е потпишување на договорот на 20 декември 2021 г.

Краен рок и потребни документи за пријавување

Најдоцна до 19.12.2021 г., заинтересираните кандидати треба да достават:

• Изјава за интерес во која накратко ќе се осврнат на своите клучни квалификации што одговараат на условите на овој повик;
• Професионална биографија, која ќе го прикаже работното искуство релевантно за овој повик.

Документите за пријавување на повикот со назнака „апликација – нац. стратегија ХИВ“ треба да се достават електронски, на следната е-маил адреса:

[email protected]

Постапка за избор на консултант

Комисијата за избор на консултант ќе ги разгледа примените апликации, при што предвид ќе бидат земени само оние пријави коишто ја содржат комплетната документација и ги исполнуваат условите на повикот. Комисијата ќе изработи ранг листа на кандидати. Со најмногу двајца најдобро рангирани кандидати може да биде спроведено интервју. Во зависност од резултатите од оценката на документација наспроти условите на повикот и евентуалното интервју ќе биде избран консултантот кому ќе му биде доделен ангажманот.

Скопје, 07 декември, 2021

Рок за пријавување: до 15 декември 2021 г.

Контекст

Имајќи го предвид непостоењето на каква било формална услуга за предекспозициска профилакса (ПрЕП) за ХИВ во Северна Македонија, Здружението ЗАЕДНО ПОСИЛНИ Скопје, во соработка со нашиот партнер Универзитетската клиника за инфективни болести и фебрилни состојби, во јануари 2021 започна со имплементација на пилот-студија за воведување на ПрЕП во Северна Македонија со назив „Воведување на предекспозициска профилакса (ПрЕП) за ХИВ во Северна Македонија: демонстрациски проект за утврдување на изводливоста и прифатливоста на обезбедувањето на ПрЕП како дел од зајакнувањето на услугите за сексуално здравје“ (понатаму: пилот-студијата), која ќе обезбеди основи за подобро да се разбере на кој начин здравствениот систем би можел да ја интегрира ПрЕП во постојните услуги и да поттикне пристап до мошне потребните интервенции за да се преобратат актуелните растечки трендови на инциденцата на ХИВ во земјата. Пилот-студијата е дел од регионалниот проект „Одржливост на сервисите за клучните популации во регионот на Источна Европа и Централна Азија“ (#SoS_project), раководен од Алијансата за јавно здравје од Украина со финансиска поддршка од Глобалниот фонд за борба против СИДА, туберкулоза и маларија, чии активности на ниво на С. Македонија се спроведуваат од Здружението ЗАЕДНО ПОСИЛНИ Скопје.

Резултатите од пилот студијата за воведување на ПрЕП во Северна Македонија за 2021 ќе обезбедат соодветни докази за воведување на ПрЕП како редовна услуга од пакетот за сеопфатно сексуално здравје, подобрување на превентивните политики за ХИВ во Северна Македонија, како и подобро согледување на актуелните состојби со ХИВ и сексуално преносливите инфекции во рамки на популациите засегнати од ХИВ.

Овој повик за консултант се објавува со цел да се ангажира експерт кој ќе помогне во статистичката обработка и интерпретација на податоците собрани од тековната студија.

Консултантска позиција

Овој повик се однесува на следнава позиција:

Консултант за статистичка обработка, анализа и интерпретација на клиничките и бихејвиоралните податоци добиени преку пилот-студија за предекспозициска профилакса

 

Опис на работните задачи

Консултантот за статистичка обработка и анализа на клиничките и бихејвиоралните податоци треба да ги изврши следниве задачи, неопходни за евалуација и изготвување финален извештај и публикации од пилот-студијата:

• Да примени соодветни статистички операции од дескриптивната и аналитичката статистика со цел обработка на податоците дефинирани со примарните и секундарните цели и примарните и секундарните одредници во протоколот на студијата, односно:
  • Дистрибуцијата на карактеристиките на двете интервенциски групи да ја спореди со χ-квадрат тест за категориски податоци и студентов t-тест или тест на збир од рангови за континуирани податоци,
  • Да ја истражи поврзаноста меѓу изборот на интервенциската стратегија и потенцијалните детерминанти со униваријантна и мултиваријантна анализа на логистичка регресија,
  • Мултиваријантното градење на модел да го изврши преку употреба на етапна обратна процедура, вклучувајќи ги сите променливи со униваријантна p-вредност помала од 0,10,
  • Да примени соодветни униваријанти и мултиваријантни статистички методи (Poisson, логистичка регресија), коригирани за повторни мерења кај поединци за да се истражат промените низ времето и поврзаните детерминанти,
  • Временските трендови и детерминанти да ги истражи преку униваријантни и мултиваријантни регресиони анализи;
• Да изработи табеларни и графички прикази на податоците од студијата;

• Да изготви детална интерпретација на сите податоци добиени преку статистичката анализа, соодветна за публикација;

• Да подготви финален извештај во вид на комплетен приказ на резултатите од студијата и нивна соодветна интерпретација.

Консултантот има обврска при изготвувањето на анализите да ги следи насоките на истражувачкиот тим на пилот студијата.

 

Обем на ангажманот и временска рамка

Ангажманот на консултантот треба да се спроведе во периодот од 20 декември 2021 г. до 15 јануари 2022 г.

За извршување на ангажманот од консултантската позиција предвидени се 7 консултантски денови.

Надомест и други услови

По завршувањето на задачите соодветни за консултантскиот ангажман на консултантот ќе му биде исплатен бруто надомест од 150 долари во денарска противвредност за еден консултантски ден.

Профил и неопходни квалификации

Кандидатите треба да ги исполнуваат следните основни квалификации:

• Универзитетска диплома
  • Одлично познавање на компјутерските програми Excel и SPSS или STATA или еквивалентни програми
  • Не помалку од 3 години искуство во научна или стручна работа со примена на статистичка обработка на податоци
  • Претходно искуство од работа на анализи релевантни за конкретниот ангажман
  • Одлично познавање на англискиот јазик

Критериуми за избор

Изборот ќе се спроведе врз основа на нивото на исполнување на неопходните квалификации за овој повик, како и следниве критериуми за предност:

• Универзитетска диплома од областа на медицината или медицинските науки или јавното здравје;
• Искуство во областа на јавното здравје, медицината или статистика во здравствениот сектор.

Краен рок и потребни документи за пријавување

За пријавување на повикот заинтересираните кандидати треба да ја достават својата професионална биографија, во која особено ќе ги истакнат потребните квалификации за избор и релевантното научно и стручно искуство, на следната е-маил адреса: [email protected] со назнака „ПрЕП-МКД_статистичка анализа“.

Пријавата може да вклучи публикувани материјали и/или друга претходна стручна работа на кандидатот релевантна за овој конкретен повик (во форма на линк или прилог).

Контакт лице за овој повик е Виктор Симеоновски, проектен координатор за ПрЕП во ЗАЕДНО ПОСИЛНИ: е-маил адреса: [email protected].

Краен рок за пријавување на повикот е 15 декември, 2021 г.

ВИРУСИТЕ НЕ ДИСКРИМИНИРААТ, ЛУЃЕТО ДА!

ПРОЧИТАЈ ПОВЕЌЕ

Датум на објавување: 30 септември 2021 г.
Краен рок: 7 октомври 2021 г.

Здружението за поддршка на луѓето што живеат со ХИВ – ЗАЕДНО ПОСИЛНИ Скопје објавува повик за прибирање понуди за ангажирање консултант за развивање на кодекс на однесување и процедура за заштита при повредување на кодексот.  Кодексот, како внатрешна организациска политика ќе ги содржи основните вредности и правила на добро однесување во организацијата, во сите аспекти на нејзината работа. Кодексот ќе се однесува на членовите, вработените, давателите на услуги и волонтерите кои се вклучени во различни сегменти на работата на Здружението. Целта е со него да се осигури добра деловна комуникација, подобрени услови на работење и добар организациски имиџ.

Развивањето на Кодексот на однесување е овозможено во рамките на институционалниот грант од програмата Цивика Мобилитас.

Опис на ангажманот

Ангажираниот консултант ќе треба да ги исполни следниве задачи:

• Да осмисли и фацилитира еден до три консултативни состанок со назначена работна група;
• Врз основа на спроведениот консултативен процес да понуди препораки и насоки за развивање на Кодексот, што треба да обезбедат добра внатрешна и надворешна комуникација, доверба и интегритет во секојдневната работа во согласност со водечките принципи на Здружението;
• Да достави предлог-документ во форма на внатрешна организациска политика со јасно изложување на дефинираните вредности и стандарди за успешна комуникација, правилно постапување со информации, одржување на доверливоста и интерна постапка за справување при прекршување на кодексот; Документот треба да биде концизен и не треба да биде подолг од 5 страници во Word со фонт Calibri и големина 12.
• Да подготви финална верзија на Кодексот на однесување.

За својата работа консултантот одговара пред извршниот директор на Здружението ЗАЕДНО ПОСИЛНИ Скопје.

Профил и неопходни квалификации

Кандидатите треба да ги исполнуваат и следниве основни квалификации:

• Диплома за завршено високо образование;
• Искуство во спроведување на слични процеси во областа на организацискиот развој;
• Способности за планирање и организација и навремено исполнување на зададените задачи;
• Изградена способност за тимска работа;
• Одлично познавање на македонскиот и англискиот јазик.

Критериуми за избор

Предност ќе имаат кандидати со:

• Искуство во развивање организациски политики со сродна тематика и во сродни организации;  
• Соодветна лична мотивација за конкретниот ангажман;
• Повисок степен на исполнување на неопходните квалификации.

Временска рамка, надомест и други услови

Процесот на развивање на кодексот на добри практики и подготовката на финалниот документ треба да заврши до 31 октомври 2021 г. Ангажманот предвидува потпишување договор за консултантските услуги со покриен персонален данок на доход. Предвидениот надомест за овој ангажаман е во бруто износ од 27.500,00 денари.

Консултативните состаноци ќе се одвиваат он-лајн преку платформата ZOOM.

Краен рок и потребни документи за пријавување

Најдоцна до 7.10.2021 г., заинтересираните кандидати треба да достават:

• Писмо за интерес (до 250 збора) во кое накратко ќе го образложат предложениот пристап што би го примениле и ќе се осврнат на личната мотивација за овој ангажман;
• Професионална биографија, која ќе го прикаже работното искуство релевантно за овој повик.
• Контакт за препорака од одговорно лице од граѓанска организација за која консултантот спровел релевантен процес од областа на развивање организациски политики или од областа на организацискиот развој: име и презиме, телефон и електронска пошта.

Документите за пријавување на повикот со назнака „Повик за консултант – кодекс на однесување“ треба да се достават електронски, на следната е-маил адреса:

[email protected]

Постапка за избор на консултант

Комисијата за избор на консултант ќе ги разгледа примените апликации, при што предвид ќе бидат земени само оние пријави коишто ја содржат комплетната документација и ги исполнуваат условите на повикот. Комисијата ќе изработи ранг листа на кандидати. Со најмногу тројца најдобро рангирани кандидати ќе биде спроведено интервју. Во зависност од резултатите од оценката на документација наспроти условите на повикот и евентуалното интервју ќе биде избран консултантот кому ќе му биде доделен ангажманот. Сите кандидати ќе бидат известени за резултатот од изборот по електронски пат во рок од 7 дена по затворањето на повикот.

Датум на објавување: 18 август 2021 г.
Краен рок: 25 август 2021 г.

Здружението за поддршка на луѓето што живеат со ХИВ – ЗАЕДНО ПОСИЛНИ Скопје објавува повик за ангажирање консултант за развивање на комуникациска стратегија и протокол за комуникација на Здружението.

ПРОЧИТАЈ ПОВЕЌЕ

Рок за пријавување: до 16 јуни 2021 г.

ПРОЧИТАЈ ПОВЕЌЕ

Датум на објавување: 21 мај 2021 г.
Краен рок: 28 мај 2021 г.

Здружението за поддршка на луѓето што живеат со ХИВ – ЗАЕДНО ПОСИЛНИ Скопје објавува повик за ангажирање консултант за развивање веб-содржини во врска со политиките за достапност на лекови во Северна Македонија наменети за веб-страната на Здружението.Целта на оваа активност е да се развие сегментот на веб-страната на ЗАЕДНО ПОСИЛНИ којшто се однесува на пристапот до лекови во Република Северна Македонија воопшто, со информации и осврти на актуелните политики за лекови, кој треба да служи уникатен ресурс од оваа област за пациентите воопшто и за граѓанскиот сектор.  

ПРОЧИТАЈ ПОВЕЌЕ

прочитај повеќе

Deadline for submission: end of day on 27 April, 2021

Background

Stronger Together, Association for Support of People Living with HIV from Skopje, NorthMacedonia, is a community-based organization that supportspeople living with HIV in executingtheir rights and strives to shape public policy towards ending the HIV epidemic.

ПРОЧИТАЈ ПОВЕЌЕ

Датум на објавување: 16 април 2021 г.
Краен рок: 14.05.2021 г.

Здружението за поддршка на луѓето што живеат со ХИВ – ЗАЕДНО ПОСИЛНИ Скопје објавува повик за прибирање понуди за ангажирање за следниве консултантски позиции:

1. Консултант за финансиски и административни процедури
2. Консултант за развивање алатка за буџетирање и финансиски мониторинг

ПРОЧИТАЈ ПОВЕЌЕ

Датум на објавување: 30 март 2021 г.

Краен рок: 07.04.2021 г.

Здружението за поддршка на луѓето што живеат со ХИВ – ЗАЕДНО ПОСИЛНИ Скопје објавува повик за прибирање понуди за ангажирање за следниве консултантски позиции:

1. Консултант за финансиски и административни процедури
2. Консултант за развивање алатка за буџетирање и финансиски мониторинг

ПРОЧИТАЈ ПОВЕЌЕ

Датум на објавување: 26 февруари 2021 г.

Краен рок: 01.03.2021 г.

Здружението за поддршка на луѓето што живеат со ХИВ – ЗАЕДНО ПОСИЛНИ Скопје објавува повик за ангажирање консултант за развивање на план и механизми за вклучување на волонтери во спроведувањето на активности на Здружението, со дефинирани облици на волонтерски ангажман. Целта на оваа активност е Здружението да ги прошири и структурира можностите за волонтерски ангажман во својата работа и да ја зголеми мобилизацијата на млади активисти. Активноста се надоврзува на тековните активности од нашиот план за работа за 2020 г. за мобилизација на млади од ЛГБТ заедницата како група особено засегната од ХИВ според епидемиолошките податоци за С. Македонија, вклучувајќи како лица што живеат со ХИВ, така и ХИВ-негативни лица. 

ПРОЧИТАЈ ПОВЕЌЕ

Повик за ангажирање ИТ експерт за надградба на софтвер за следење на програмски активности и систем за следење на успешност по индикатори

Датум на објавување: 5 февруари 2021 г.

Краен рок: 12 февруари 2021 г.

Здружението за поддршка на луѓето што живеат со ХИВ – ЗАЕДНО ПОСИЛНИ Скопје објавува повик за прибирање понуди за ангажирање ИТ експерт за надградба на софтвер за следење на програмски активности и систем за следење на успешност по индикатори. Основна цел на оваа надградба е подобрување на функционалностите на софтерското решение, кое треба да придонесе за подобра ефикасност и организација при пребарување со бараните податоци, контрола и увид од страна на корисниците во реално време, како и додавање дополнителни полиња за внес, кои што ќе овозможат подетално филтрирање при приказ на извештаите.

ПРОЧИТАЈ ПОВЕЌЕ

Започнува пилот-програмата за предекспозициска профилакса. Дознај повеќе и пријави се за учество

ПрЕП или предекспозициска профилакса е алатка за превенција на ХИВ. Таа претставува таблета – комбинација од две антиретровирусни активни состојки кои може да ги зема ХИВ-негативно лице, во период на ризик, за да се заштити од инфицирање со ХИВ.

ПРОЧИТАЈ ПОВЕЌЕ

Датум на објавување: 11 јануари 2021 г.

Краен рок: 18 јануари 2021 г.

Здружението за поддршка на луѓето што живеат со ХИВ – ЗАЕДНО ПОСИЛНИ Скопје објавува повик за прибирање понуди за ангажирање консултант за развивање на кодекс на добри практики за вклученост на членовите на Здружението, пошироката заедница на луѓето што живеат со ХИВ и други засегнати конституенти во процесите на носење на одлуки, застапување, развивање на идеи и активности и др.

Оваа консултантската позиција е овозможена во рамките на институционалниот грант од програмата Цивика Мобилитас.

ПРОЧИТАЈ ПОВЕЌЕ

Датум на објавување: 22 декември 2020 г.

Краен рок: 29.12.2020 г.

Здружението за поддршка на луѓето што живеат со ХИВ – ЗАЕДНО ПОСИЛНИ Скопје објавува повик за прибирање понуди за ангажирање консултант за развивање на кодекс на добри практики за вклученост на членовите на Здружението, пошироката заедница на луѓето што живеат со ХИВ и други засегнати конституенти во процесите на носење на одлуки, застапување, развивање на идеи и активности и др.

Оваа консултантската позиција е овозможена во рамките на институционалниот грант од програмата Цивика Мобилитас.

ПРОЧИТАЈ ПОВЕЌЕ

Скопје, 27 ноември 2020 – Здружението за поддршка на луѓето што живеат со ХИВ – ЗАЕДНО ПОСИЛНИ Скопје, како организација на самите лица засегнати од овој вирус, и оваа година организира активности за подигнување на свесноста за ХИВ-инфекцијата.

ПРОЧИТАЈ ПОВЕЌЕ

Рок за пријавување: до 27 ноември 2020 г.

Здружението за поддршка на луѓето што живеат со ХИВ – ЗАЕДНО ПОСИЛНИ Скопје објавува конкурс за ангажирање на координатор на имплементациска студија за предекспозициска профилакса

ПРОЧИТАЈ ПОВЕЌЕ

Датум на објавување: 24.8.2020 г.

Краен рок: 31.8.2020 г.

Здружението за поддршка на луѓето што живеат со ХИВ – ЗАЕДНО ПОСИЛНИ Скопје објавува повик за прибирање понуди за ангажирање консултант што ќе го помогне процесот на стратешко планирање на Здружението.

Оваа консултантската позиција е овозможена во рамките на поддршката од Фондацијата Отворено општество  Македонија и институционалниот грант од програмата Цивика Мобилитас

ПРОЧИТАЈ ПОВЕЌЕ

Eдукативна програма за млади на Здружението ЗАЕДНО ПОСИЛНИ Скопје

ПОВИК ЗА УЧЕСТВО

Датум на објавување: 21.8.2020 г.

Краен рок: 1.9.2020 г.

Ако си млад геј или би маж, на возраст помеѓу 20 и 27 години,

ако си мотивиран да придонесеш за унапредување на квалитетот на живот во својата заедница,

ако си заинтересиран за најновите, научно поткрепени и релевантни информации за сексуалното здравје на геј и би мажите, влучувајќи ги темите недетектабилно – непреносливо, ПрЕП, chemsex и многу други,

пријави се за учество во оваа едукативна програма на Здружението ЗАЕДНО ПОСИЛНИ Скопје.

ПРОЧИТАЈ ПОВЕЌЕ

Здруженијата на граѓани ги повикуваат политичките партии кои учествуваат во парламентарните избори да ја поддржат декларацијата за приоритетно донесување на Законот за спречување и заштита од дискриминација од страна на идниот парламентарен состав.

прочитај повеќе

Здружението ЗАЕДНО ПОСИЛНИ Скопје продолжува да делува, со соодветни прилагодувања заради заштита на корисниците на нашите услуги и на вработените и ангажираните лица, и во периодот во којшто се на сила мерките на Владата на Република Северна Македонија за заштита и спречување на преносот на новиот коронавирус.

прочитај повеќе

Мрежата за заштита од дискриминација ја поздравува препораката на Народниот правобранител со која му се укажува на Министерството за образование и наука да спроведе ревизија на учебниците по социологија за втора година гимназиско образование и да ги замени спорните содржини со текстови кои се ослободени од дискриминација по која било основа.

прочитај повеќе

Реакција на граѓанските организации за ненавременото и несоодветното постапување на институциите при решавањето на проблемите на ранливите и маргинализирани заедници

прочитај повеќе

Граѓанското општество и Советот за соработка со и развој на граѓанскиот сектор ја повикуваат Владата на Република Северна Македонија да ја преиспита и промени својата одлука за драстично намалување на финансиската поддршка за граѓанските организации, објавена во Службен весник на РСМ на 9 април 2020 година.

прочитај повеќе

Градоначалникот Шилегов и Константин Војцехович, претставник на Здружената програма на Обединетите нации за ХИВ/СИДА, денеска ја потпишаа Париската декларација и Град Скопје им се придружи на градовите низ светот во напорите да се стави крај на епидемијата на ХИВ како закана за јавното здравје до 2030 година.

прочитај повеќе

Во петокот, 29 ноември 2019 година, во „ShortBus“ се одржа добротворниот настан #ЗаедноПосилни во склоп на активностите за одбележување на Светскиот ден на СИДА, 1 декември. Диџеите Соња Исмаил, Ивана Драгшиќ и Вера Вендета на гостите им приредија фантастична забава која траеше до доцна во ноќта, а модератори на настанот беа ТВ водителите Марко и Цеце.

прочитај повеќе

Светскиот ден на СИДА, кој од 1988-та се одбележува на 1 декември секоја година, е меѓународен ден посветен на подигнувањето на јавната свесност за ХИВ и СИДА, посебно истакнувајќи ги постигнатите достигнувања во превенција на ХИВ-инфекцијата, но и достапноста на терапија со чие навремено почнување и редовно земање се очекува повеќето луѓе да имаат просечно долг и квалитетен живот како и луѓето кои немаат ХИВ. Покрај сеќавањето на оние кои ја изгубиле битката со ХИВ, воедно се изразува солидарност со и поддршка на луѓето што живеат со ХИВ. Меѓународниот симбол за свесност и поддршка е црвената панделка.

прочитај повеќе

Дали ХИВ може да се најде во прехранбените продукти во маркетите? Дали може да се пренесе преку допир, прегратка или бакнеж? Дали „HAARP“ системот има влијание врз епидемијата на ХИВ во светот?

прочитај повеќе